Isa 49 | Ndebele | STEP | Ngilalelani, zihlenge ; lizwe, lina bantu abakhatshana : IN kosi ingibizile ngisesiswini ; ngisemibilini kamama yaqamba ibizo lami.

1 Ngilalelani, zihlenge ^a; lizwe, lina bantu abakhatshana ^b: INkosi ^c ingibizile ngisesiswini ^d; ngisemibilini kamama yaqamba ibizo lami. 2 Yasisenza umlomo wami ^e waba njengenkemba ebukhali ^f, yangifihla ngaphansi komthunzi wesandla sayo ^g; yangenza ngibe ngumtshoko ololiweyo ^h, yangifihla esambeni sayo semitshoko. 3 Yathi kimi: Uyinceku yami ⁱ, Israyeli, engizazidumisa ngayo ^j. 4 Ngasengisithi mina: Ngitshikatshikele ize ^k, amandla ami ngiwachithele okungelutho lokuyize ^l; qiniso, isahlulelo sami ^m siseNkosini, lomvuzo wami ukuNkulunkulu wami.

5 Khathesi-ke itsho iNkosi ⁿ, eyangibumba ^o kwasesiswini ^p ukuba yinceku yayo yokubuyisela uJakobe kuyo; lanxa uIsrayeli engabuthwanga, kube kanti ngizadunyiswa ^q emehlweni eNkosi; njalo uNkulunkulu wami uzakuba ngamandla ami. 6 Yasisithi: Kuyinto encane ^r ukuthi ube yinceku yami yokuvusa izizwe zikaJakobe, lokubuyisela abalondoloziweyo bakoIsrayeli ^s; ngizakupha futhi ube yikukhanya kwabezizwe ^t, ukuze ube lusindiso lwami ^u kuze kube semkhawulweni womhlaba.

7 Itsho njalo iNkosi ^v, uMhlengi kaIsrayeli, oNgcwele wakhe, kumphefumulo odelelwayo ^w, kuye onengwa yisizwe, kunceku yababusi: Amakhosi azabona asukume ^x, iziphathamandla lazo zizakhonza, ngenxa yeNkosi ethembekileyo ^y, oNgcwele kaIsrayeli, ekukhethileyo ^z.

UIsrayeli uzabuyiselwa elizweni lakhe

8 Itsho njalo iNkosi: Ngesikhathi esemukelekayo ^aa ngikuphendulile, langosuku losindiso ngikusizile; njalo ngizakulondoloza, ngikunike ube yisivumelwano sabantu ^ab, ukuvuselela umhlaba, ukubenza badle amafa achithekileyo ^ac, 9 ukuze uthi kuzibotshwa ^{ad
,} ^ae: Phumani; kwabasemnyameni ^af: Zivezeni. Bazakudla ezindleleni, ledlelo labo libe semadundulwini wonke. 10 Kabayikulamba, kumbe bome ^ag, njalo ukutshisa kumbe ilanga kakuyikubatshaya ^{ah
,} ^ai, ngoba yena olesihawu kibo uzabakhokhela ^aj, lemithonjeni yamanzi ^ak uzabaqondisa ^al. 11 Njalo ngizakwenza zonke intaba zami ^am zibe yindlela, lemigwaqo yami iphakame. 12 Khangela laba bazavela khatshana ^an, njalo khangela laba ngasenyakatho ^ao langasentshonalanga ^ap, lalaba elizweni leSinimi.

13 Hlabelelani ^aq, mazulu, uthokoze ^ar, lawe mhlaba, lihlokome ngokuhlabela ^as, lani zintaba ^at, ngoba iNkosi ibaduduzile abantu bayo, izakuba lesihawu kwabahluphekileyo bayo. 14 Kodwa iZiyoni ^au yathi: UJehova ungidelile, njalo iNkosi yami ingikhohliwe. 15 Owesifazana angamkhohlwa yini umntanakhe omunyayo, ukuba angabi lasihawu kuyo indodana yesisu sakhe ^av? Yebo, bona bangakhohlwa ^aw, kodwa mina kangiyikukukhohlwa ^ax. 16 Khangela, ngikubhale ^ay ngokugubha ezintendeni zezandla; imiduli yakho ihlezi iphambi kwami. 17 Abantwana bakho bazaphangisa; abachithi bakho ^az labakumotshayo bazaphuma kuwe.

18 Phakamisa amehlo akho ^ba inhlangothi zonke, ukhangele; bonke laba bayabuthana ^bb, beze kuwe. Kuphila kwami, itsho iNkosi ^bc, isibili, uzazigqokisa ^bd ngabo bonke njengesiceciso, uzibhince ngabo ^be njengomakoti ^bf. 19 Ngoba indawo zakho ezichithekileyo lamanxiwa akho ^bg, lelizwe lencithakalo yakho ^bh, isibili khathesi lizaminyana kakhulu ngenxa yabahlali ^bi; lalabo abakuginyayo ^bj bazakuba khatshana. 20 Abantwana ^bk bokufelwa kwakho bazakuthi futhi endlebeni zakho: Lindawo iminyene kakhulu kimi; ngivulela indawo ukuze ngihlale ^bl! 21 Khona uzakuthi enhliziyweni yakho: Ngubani ongizalele laba ^bm, njengoba ngafelwa ngabantwana, ngaba njengenyumba ^bn, ngingumthunjwa, ngisiwa le lale? Njalo ngubani okhulise laba? Khangela mina ngangisele ngedwa; laba babengaphi? 22 Itsho njalo iNkosi uJehova: Khangela ^bo, ngizaphakamisela izizwe isandla sami ^bp, ngimise uphawu lwami ebantwini ^bq; njalo bazaletha amadodana akho ^br esifubeni, lamadodakazi akho bewetshete ^bs. 23 Lamakhosi ^bt azakuba ngabondli bakho, lezindlovukazi zawo zibe ngabalizane bakho. Bazakukhothamela ngobuso emhlabathini ^{bu
,} ^bv, bakhothe uthuli lwezinyawo zakho ^bw. Njalo uzakwazi ukuthi mina ngiyiNkosi, ngoba abangithembayo kabayikuyangeka ^bx.

24 Impango ^by izathathwa yini kolamandla, kumbe umthunjwa ngokomthetho akhululwe? 25 Kodwa itsho njalo iNkosi: Yebo, abathunjiweyo beqhawe bazathathwa, lempango yabesabekayo izakophulwa; ngoba mina ngizalwisana laye olwisana lawe ^bz, mina-ke ngisindise abantwana bakho. 26 Njalo ngizadlisa abacindezeli bakho eyabo inyama ^ca, badakwe ngelabo igazi ^cb kungathi ngewayini elimnandi. Njalo yonke inyama izakwazi ukuthi mina Nkosi nginguMsindisi wakho ^cc, loMhlengi wakho ^cd, oLamandla kaJakobe ^ce.